係五級樂理入面第一題一定會叫你填返正確既拍子記號，大家通常會用d咩方法呢？
我就會叫學生先假設左係以四分音符為一拍先(下面個數字係4)，跟住就係入面數下總共有幾多個四分音符，咁就會出現三種情況：
第一種情況
佢係正常既單拍子／不規則拍子，即係數到有2個四分音符(即係2拍4)、4個四分音符(即係4拍4)或者5個四分音符(即係5拍4)等等。
第二種情況
係你會數到有小數點既拍子，例如 1.5拍4、3.5拍4，解決方法就係將上下兩個數字乘 2，變成整數，咁就知道答案係 3拍8 同 7拍8啦。
上面兩種情況都比較易明點去計，比較難分既就係第三種情況.
第三種情況
呢個就牽涉到拍子組合(Grouping)既問題。最容易混淆既兩組拍子記號就係 3拍2 同 6拍4、3拍4 同 6拍8 啦。
咁你都知3拍就係單拍子，6拍就係複拍子。雖然上面個兩個拍子計出黎既數值係相通，但係個感覺同組合方式都好唔同，所以遇到呢個情況，我就會叫佢地畫一畫呢兩種最基本既拍子組合出黎比較下(即係3個二分音符同6個四分音符)，去分析下題目究竟係屬於單拍子定係複拍子既拍子記號。
詳細既情況同示範係網上既影片都會有講解的。
大家可以免費下載下面呢個練習去比學生試下做，睇下佢地識唔識分。?
