睇調號既時候…
想好快知道4個#係咩major? 6個b 係咩major?
坊間就有兩個口訣去幫大家記
# 既口訣：Go Down And Eat Breakfast
b 既口訣：Fat Boy Eat All Day
簡單d講
姐係G major有一個#、D major有兩個#、
A major有三個#，如此類推……
F major有一個b、Bb major 有兩個b、
Eb major 有三個b，如此類推……
但要留意返b 既話就係由B 開始後面個d 字母全部都要加b
姐係Bb major、Eb major、Ab major同Db major
但其實五級樂理係會考到有6個#同6個b 既key signature
咁上面個個口訣就cover 唔
所以我就會用另一個方法
只需要用一個口訣就可以(睇第一幅圖)
其實就係用返Go Down And Eat BreakFast 呢個口訣(見下圖)
因為我會拎埋Breakfast 個F黎做第6個英文字母
所以就可以cover哂6個#同6個b
個方法就係
向右手邊方向既頭一個字母就係#既記法
調返轉向左手邊方向既就係b 既記法
當然去到實際做既時候就緊係唔洗寫哂成個句子
你只需要叫學生用口背住個口訣
隻手寫返頭一個英文字母就得
姐係 G D A E B F
咁佢就可以好快睇到4個#係咩major、6個b 係咩major啦
但背完呢個口訣都未完既
都要識得4個＃係有邊4個#6個b 係有邊6個b的
咁睇下第二同第三幅圖就會發現
只需要記得第一個#係F#
之後數5度(5個音)上去就會搵到下一個#係咩#，如此類推
而b就記第一個b係Bb之後就數4度(4個音)上去就會搵到下一個b係咩b，如此類推
係書同網上既課程會有更詳細既示範，希望幫到大家！
最後都建議返老師都要講解原本circle of fifths (五度圈)
呢個原理，以上方法只係幫助學生容易記憶。
